اي چادر ڍڪيندڙ .

اي (نبوت جي لباس ۾ ) ويڙهجڻ وارا،

اي (پاڻ تي چادر) ويڙهڻ وارا!

اُٿ پوءِ (ماڻهن کي) ڊيڄار .

کڙو ٿي! پوءِ ڊيڄار

(هاڻي) اُٿ ۽ (پنھنجي قوم کي) ڊيڄار.

۽ پنهنجي رب جي پوءِ وڏائي بيان ڪر .

۽ پنهنجي پاليندڙ جي وڏائي بيان ڪر،

پنھنجي پالڻھار جي وڏائي بيان ڪر.

۽ پنهنجن ڪپڙن کي پوءِ پاڪ رک .

۽ پنهنجن ڪپڙن کي پاڪ رک،

پنھنجا ڪپڙا پاڪ رک.

۽ بتن کان پوءِ پري رهه .

۽ گندگيءَ کان پري رهه

(هر قسم جي) گندگي کان پري رهه.

۽ نه احسان ڪري گهڻو طلب ڪر .

۽ هن لاءِ احسان نه ڪر ته توکي گهڻو ملي.

(دنيا ۾) گهڻي ملڻ خاطر (ڪنھن تي) احسان نه ڪر.

۽ پنهنجي رب جي لاءِ پوءِ صبر ڪر .

۽ پنهنجي پاليندڙ (جي رضامنديءَ) لاءِ (مصيبتن تي) صبر ڪر.

۽ پنھنجي پالڻھار خاطر صبر ڪر.

پوءِ جنهن وقت ڦوڪ ڏني ويندي صور ۾ .

پوءِ جڏهن ناقور وڄايو ويندو،

پوءِ جڏهن صور ۾ ڦوڪيو ويندو.

پوءِ اهو ان ڏينهن ڏکيو ڏينهن آهي .

تڏهن اهو (وقت) ان ڏينهن ڏاڍو ڏکيو وقت ٿيندو.

اهو ڏينھن ڏاڍو ڏکيو هوندو.

ڪافرن تي ناهي آسان .

ڪافرن تي آسان نه هوندو

ڪافرن جي لاءِ (هرگز به) هلڪو نه هوندو.

ڇڏ مون کي ۽ ان کي جنهن کي پيدا ڪيو مون اڪيلو .

(اي رسولﷺ!) مو نکي ۽ ان کي ڇڏي ڏي جنهن کي اڪيلو پيدا ڪيو اٿم

(اي نبيﷺ!) ڇڏي ڏي مون کي ۽ جنھن کي مون اڪيلو ڪري پيدا ڪيو آهي.

۽ ڏنو مون ان کي مال گهڻو .

۽ ان کي گهڻو مال ڏنو اٿم

مون کيس (يعني وليد بن مغيره کي) تمام گهڻو مال ڏنو.

۽ پٽ حاضر ٿيندڙ .

۽ پٽ (به) جيڪي وٽس رهڻ وارا آهن

فرمانبردار پُٽ ڏنا.

۽ تياري ڪئي مون ان لاءِ چڱي طرح تياري ڪرڻ .

۽ ان لاءِ (دنيا جي سڀ شيءِ) چڱيءَ طرح پکيڙي ڇڏي اٿم

۽ مون ان کي (دنيا ۾ سڀني کان) اڳتي رکيو.

ان کان پوءِ اميد رکي ٿو ته ان کي وڌايان .

وري به هو طمع ڪري ٿو ته (اُن کي) وڌيڪ ڏيان.

پوءِ به هو لالچ ڪري ٿو ته مان کيس اڃا به گهڻو ڏيان.

هرگز نه تحقيق اهو هو اسان جي آيتن جي لاءِ عناد رکندڙ .

ائين نه ٿيندو، ڇو ته هو اسان جي آيتن جو مخالف آهي.

هرگز نه! (هاڻي ايئن نه ٿيندو) بيشڪ هو اسان جي آيتن سان دشمني رکي ٿو.

جلد چاڙهيندس مان ان کي باهه جي جبل تي .

سگهوئي آءُ ان کي سخت تڪليف ۾ ڦاسائيندس

مان کيس عنقريب تڪليفن جي چاڙهي چاڙهائيندومانس.

تحقيق ان فڪر ڪيو ۽ دل ۾ ٺهراءُ رٿيائين .

ڇو ته ان فڪر ڪيو ۽ هڪ ڳالهه تجويز ڪيائين

بيشڪ هن سوچي سمهجي سازش تيار ڪئي.

پوءِ لعنت ڪيو ويو ڪهڙيءَ طرح ٺهراءُ رٿيائين .

پوءِ مار پويس ڪيئن تجويز ڪيائين.

مٿس لعنت پوي، ڪهڙي ته (بُري) سازش ٿو سِٽي.

ان کان پوءِ لعنت ڪيو ويو ڪهڙي طرح ٺهراءُ رٿيائين .

پوءِ مار پويس ڪيئن تجويز ڪيائين.

وري ٻيھر (به) مٿس لعنت پوي، ڪهڙي ته (بُري) سازش ٿو سِٽي.